][][ابي اب ماابي بنك][][ - الصفحة 2

**abumalik** · 03-22-2008, 06:44 AM

الله يعين
وش السالفه اجل
انا بسألك عمك ليه زعل يوم قلتي زي ابوي ؟

وابوك حاولي تسوين نفسك مريضة بالاتفاق مع الوالده وشوفي نفس خوفه عليك اول ولا لا ؟؟

وقولي لنا وش يصير معك

والله اني تحمست لموضوعك :)

الله يفرجها عليك قولي آمين

ومن ناحية بنتي بس اتهاوش معها ... ماتدورني الا وقت الدراهم بس يا حبيلها

تحياتي لك

**بنت رجااال** · 03-22-2008, 11:17 AM

هلا والله abumalik
والله انا للحين ماادري ليه عمي زعل مافيها شي لوقلت اني احبه اكثر من ابوي موهو عمي اخو ابوي يعني زيه
بس عسى مااقول لاحد اني احبه على طول يسفطني
ماادري انا قولها بالمقلوب ويحسبوني اكرههم ولا وش السالفه
بس والله اخاف اقول لاخوي خالد اني احبه ويسوي مثلهم

ومايحتاج اني اسوي نفسي مريضه انا توي طالعه من المستشفى بس الصراحه ماادري وش سوى لمى درى اني تعبانه
لاكن لمى صحيت مالقيته موجود بس انا صحيت من هنا هو سافر الرياض من هنا

كل الكره الارضيه زارتني بالمستشفى وهو ماشفته الا لمى طلعت للبيت

ورفع عتب اتصل وكلم امي يعني يبي يتطمن على الكل موعلي انا

ولكن لمى اخوي حمود سوى حادث
اف اف اف كان بيجيه جلطه طار له طيران وهو يقول مافيني شي وابوي يطلق الا يوديه المستشفى

وبعدين ماطلع فيه شي الحمد لله هو ماتعور بس السياره اتعورت لمى هو صدمها

بس ليه راحله؟ ليه؟ ليه؟ ليه؟ابي افهم يعني هو ولده وانا موبنته؟

احيان احس اني موبنته

ومشكووووور يالغالي على الدعوه
امييييييييين الله يسمع منك

وقول لبنتك وشرايها تبادل تاخذ ابوي والفلوس كلها

تـحـيـاتـيـ

**abumalik** · 03-23-2008, 08:23 AM

الحمد لله على سلامتك وسلامة اخوك حمود
اتمنالكم دوام الصحة والعافية
هذا والد وله حق الطاعه مهما سوى وغير كذا لاتشيلين بقلبك عليه اكيد يحبك واتوقع انه يجي اليوم اللي تنكشف فيه الحقيقة ويبي يقولك عن كل شئ لكن الصبر الصبر , ولازم يكون عندك ثقة في نفسك انتي الآن كبرتي وما تحتاجين حنان وقد المسئولية وهذي كلها اكتشفتها من كلامك ..
وانصحك بالاعتماد على الله ثم على نفسك , ممكن هذا اللي يرمي له الوالد ... وحاولي انك ماتسوين فجوه بينك وبين الوالد ولا تقيسين حبه للاولاد بحبك .. لانه معروف البنت لامها والولد لابوه... ولاتنسين انتي اخذتي النصيب من حنانه و احساس الابوة لما كنتي صغيرة وهذا ما قول يكفي لكن احسن من غيرك.. فيه ايتام ماشافو لا ام ولا اب وبعضهم نشأ عند والدته المطلقة ووو ... الخ .. واذا على صحباتك اقول ان البيوت اسرار ممكن قدامك تشوفين الحنان وبعدين تنعكس الصوره (شوفي نفسك كيف كنتي ووين صرتي) .....

وبنتي ترا موافقه على العرض (قلتلك تبيعني عند الدراهم) ..

الله يجمعكم على خير

مودتي ...
والسلام ختااام

**بنت رجااال** · 03-23-2008, 07:44 PM

الله يسلمك

بس انا مامليت من الصبر الصبر هو اللي مل مني لي 7سنين وانا احاول وصابره بس خلاص تعبت

يمكن من جد انا مااحتاج للحنان اصلا لو لقيته الحين وش راح استفيد منه
واعتقد اني حاولت بما فيه الكفايه ماعاد بيدي شي اسويه اكثر من اللي سويته

بس انا اللي متعبني اني صرت لوحدي
ابوي وعمي ماادري وشفيهم قالبين علي
وامي صعب اني اقلها شي امي تتاثر فيني بشكل موطبيعي
لذاك ماابي اكون سبب في تعبها فديتها وفديت ثرا الارض اللي تمشي عليه عساي ماانحرم منها يارب
واعمامي واخوالي ممنوع اني اكلمهم بس اسلم عليهم والحمد لله انه مامنع علي حتى السلام
واخواني لاهيين بقوه يمكن اقرب واحد اخوي خالد بس اخاف اقوله شي ويصير مثلهم لذالك ماابغى اخسر احد كفايه خسرت اثنين ابتعد عن الثالث بنفسي احسن من اني اخسره كمان
واخوات ما عندي
وصديقاتي راحو

يالله العوض على رب العالمين

وبالنسبه لبنتك لاتزعل بيجيها يوم تعرف ان الدراهم
ولااااااااااااااااااااااااااااااااااااشي
وانها تلاقي احد يحبها ويحس فيها هذي
تسوى الدنيا وما فيها
وانه مافي بهدنيا مثل حضن دافي تحط راسها عليه تبكي عليه لحد ماتنام
ولمى تفتح عينها تلقى ابتسامه تنسيها كل هموم الدنيا

يالله شقد متمنيه بهاللحظه اني ارجع طفله صغيره
زي زمان

بس انت لاتزعل عليها وتبتعد عنها مثل ماسوا ابوي لانها بتمر بمرحله يكون ابوها اقرب انسان لها حتى من امها ومن نفسها
واذا مالقتك جنبها يمكن تصير مثلي

وسلملي على بنتك كثير
بس سؤال بنتك كم عمرها؟

سلام

**abumalik** · 03-23-2008, 09:07 PM

اقتباس:

بس انا مامليت من الصبر الصبر هو اللي مل مني لي 7سنين وانا احاول وصابره بس خلاص تعبت

نص أهل حارتنا زي حالتنا ... ويقولك المثل ايضا اترك الهم ينساك وان نسيته يسلاك ... انا اشوف الصبر زين لمثل حالتك .. وتراها ماهي حالة مستعصية خليها للايام تحلها اذا تعبتي .. والانسان اذا حرص على شئ يفقده..

اقتباس:

وامي صعب اني اقلها شي امي تتاثر فيني بشكل موطبيعي
لذاك ماابي اكون سبب في تعبها فديتها وفديت ثرا الارض اللي تمشي عليه عساي ماانحرم منها يارب

آمين الله يطول بعمرها ويخليها لكم ... دام عندك ام حنونة وش لك بالرجال ..؟
يابنت الحلال قلت لك والله فيه ناس ماشافوا اهاليهم ابداً
وتخيلي تجي مناسبات والعالم يحتفلون مع والديهم وهم ماعندهم احد ...
اضيفي الى ذلك .. اذا كانت طالبة وصار حفل امهات .. او زواجات وكل وحده مستانسه بأمها إلا هم ... زبدة الحكي اني اللي اقصده ان الله ياخذ ويعطي ... اخذ منك حنان الاب واعطاك حنان الام .. وربما هذا امتحان من رب العالمين لقوة صبرك الله اعلم

اقتباس:

يمكن اقرب واحد اخوي خالد بس اخاف اقوله شي ويصير مثلهم لذالك ماابغى اخسر احد كفايه خسرت اثنين ابتعد عن الثالث بنفسي احسن من اني اخسره كمان
واخوات ما عندي

جربي ... يقولك المثل أخوك من صدقك النصيحة .. يمكن يقدر يفيدك واذا ما فادك على الاقل يخفف عنك هذا الهم .. مع الدعاء والصبر .. ويقولون اخوانا المصريين حط للنسيان كرسي تهين وترسي ...

اقتباس:

بس انت لاتزعل عليها وتبتعد عنها مثل ماسوا ابوي لانها بتمر بمرحله يكون ابوها اقرب انسان لها حتى من امها ومن نفسها
واذا مالقتك جنبها يمكن تصير مثلي

لا هي فاهمتني وانا فاهمها ... اعترف انها تعرف مفاتيحي
وما اخفيك احياناً ما اعطيها وجه ... تزودها حيل

اقتباس:

وسلملي على بنتك كثير
بس سؤال بنتك كم عمرها؟

الله يسلمك ... 12 سنه و4 شهور

للتواصل ماسنجر
- تم حذف البريد من قبل الادارة يرجى مراجعة قوانين المنتدى -

**abumalik** · 03-23-2008, 09:19 PM

تحياتي
والسلام ختاام

**بنت رجااال** · 03-23-2008, 11:19 PM

لاانا ماراح اصبر بالعكس انا بانسى الموضوع من اصله

مايحتاج ان الزمن يحلها ولاانا احلها خلاص ماعادت تفرق

لاني حاولت بمافيه الكفايه بس كان الرد قاسي اقسى مماتصورت

مع العلم اني ولامره بحياتي استسلمت بس هالمره خلاص ابرفع الرايه البيضا واستسلم

وهذا طبعا بناء على رغبة الوالد اني ماافتح معه هالموضوع
ولازم انا البي رغبته

وشكرا على اهتمام كل من ردعلى موضوعي

التميز خلال 24 ساعة
العضو المميز	الموضوع المميز	المشرف المميز
الدنيا ما تسوى	cafe207 بقلم : sa30di	لسعة شقاوه