][][ابي اب ماابي بنك][][

**بنت رجااال** · 12-27-2007, 01:12 AM

بسم الله الرحمن الرحيم
اولا سلام كبييييييييييييييييييييييييييييير جدا جدا جدا لكل من يدخل موضوعي ويساعدني وحتى اذا ماساعدني كفايه بس انه يدعيلي
وعلى العموم كلعام وانتم بخير<<<<<<<طبعا بعد الزحمه وبقوه بس عاد الضروف وش نسوي
واللحين راح ادخل للموضوع سيده وبدون مقدمات والموضوع هو بصراح مشكله بيني وبين الوالد الله يحفظه ويخليه لنا ذخر<<<<<<<<<<عاد انتو امنو
ولذالك اتمنى ان كل اب يدخل ويبدي وجهة نظره واكيد لامانع انو غير الاباء يفيدوني اكيد
والله اني متفشله عاد اول مشاركه لي في المنتدى مشكله
المهم الموضوع وما فيه اني بنت انولدت في عايله كلها شباب وانا البنت الوحيده فيها طبعا وانا صغيره كان ابويه مثل اي اب في الدنيا جاته بنت بعد اولاد وشكثرهم<<<<ماشاء الله تبارك الله
كان يحبني حب جنوني حتى ان اعمامي صارو يضحكون عليه من كثر ماكان يسويلي ودايما يقولوله وشفيك محد بالدنيا جابنت غيرك هذا وانت عندك اولاد قبلها لوهي الاولى كان قلنا مسكين اوله مره يحس انه اب ومن هالكلام بس ابوي كان طاير فيني ولاهو حاس بالدنيا
كان يحبني حب لو اقولكم خرافي جنوني مايكفي طبعا انا كمان كنت ابادله نفس الشعور اكيد
حتى وانا عمري تقريبا ارع سنين دخلت المستشفى عشان اسوي عملية لوز<<<<<<طبعا انا وقتها مثل ماقلتلكم صغيره ومااتذكر
المهم ان اعمامي لمى درو بالسالفه كلهم جوا اللي من الرياض واللي من جده واللي من القصيم ومن ينبع وتبوك........الخ
لانهم يدرون بنفسية ابوي وقتها طبعا ابوي كان معي طوال يوم العمليه هو اعمامي وامي طبعا لمى جت الممرضه وقالت يالله على غرفة العمليات امي بس سلمت علي ولا اتاثرت كثير
بس ابوي قعد يبكي مثل الاطفال طبعا جدي هواللي قالل لاعمامي انهم يجون خايف لايصير في ابوي شي المهم قعد يبكي واعمامي يهدو فيه والله كل من جا للممر قعد يسال ابوي وشفيه يبكي كسرخاطرهم ولمى درو حسسوه انه سخيف ضحكوا عليه وراحو وخلوه فشل اعمامي في المستشفىومن هالموقف عرفت انه يحبني اكثر مما انا اتخيل
طبعا فيه غيرها مواقف كثيره لي مع ابوي حسيت من خلالها انه يحبني
لكن المشكله بدات لمى اتخرجت من الابتدائي ودخلت للصف الاول متوسط اتغير معاي ميه وثمانين درجه جد انا انصدمت صار مايعبرني ويدخل ويطلع ولايكلمني بس بصراحه والحق ينقال انه كان كل مااطلب منه شي يجبه لي مايقصر علي لكن انا ماكان يهمني الجانب المادي كثر مايهمني الجانب المعنوي
سألت امي ليه اتغير علي ابوي قالت عادي بس لانك الحين كبرتي خلاص ماعدتي صغيره وبعدين الدلع هذا كله لانه كان يتمنى انه يكون عنده بنت مو بس اولاد وانتي خلاص كم عمرك الحين 12سنه يعني هو 12سنه يدلعك يعوض الحرمان اللي كان عنده الحين خلاص ومااقتنعت بصراحه وسالت اخواني اللي اكبر مني ونفس الاجابه بس وقتها حسيت بشي كانهم كانو متفقين كلهم على اجابه وحد
اقتنعت بعدين او بالاحرى ماكان قدامي حل الا اني اقتنع بهالكلام
ويمر الوقت يوم بعد يوم وابوي يبعد عني كل يوم اكثر من اللي قبله لدرجة ان العلاقه بيني وبين ابوي صارت بس علاقة اوامر جيبيلي كاس عصير سكي الباب نادي امك وبس
واذا بغيت شي اطلبه ويجيبه هذي هي العلاقه بيني وبينه الى حد الان اوامر وطلبات
انا شكيت لصديقاتي وقتها وطلبت منهم انهم يساعدوني لكن ردهم صدمني قالولي معقوله في فهالدنيا اب يعامل بنته كذا احنا تقريبا كل بيت فيه ثلاث او اربع بنات على الاقل ويجلس ابونا معنا ويسولف وعاادي لكن انتو كذا البنات المدلعات اذا شفتو نفسكم فاضين وماعندكم شي تقومو تسوا انه عندكم مشاكل ياحرام<<<<<<<طبعا باسلوب استهزاء يرفع الضغط
واعتبروني كذابه مافي احد بالدنيا عنده بس بنت وحده ومايحبها ويدلعها بس انتي مريضه نفسيا الله يعينك انتي لوفتحتي عيونك وشفتي كيف انتي عايشه ماكان قلتي كذا كل شي تبيه يجيك الى عندك وكمان موعاجبك ومن بعدها سابوني لحالي وماعادو يعبروني بصراحه طردوني من الشله
ولكن جات عندي بنت جيرانا مره بالبيت وقال: لي وش رايك تتقربين انتي منه
قلت لها:وانا وش قاعده اسوي اللحين مو اتقرب منه؟؟
قالت لي:اتقربي منه بطريقه ثانيه,يعني قومي يوم وسويله الحلى اللي هو يحبه وسوي معه عصير اوقهوه ووديها له انتي من نفسك بدون حتى ماتكلمي امك وتديه الحلى وتصبيله القهوه وتقوليله انه انتي اللي سويتيها وانك سويتيها علشانه وبما ان ابوك تاجر حاولي تتكلمي معه بالتجاره وكيف جمع فلوسه وكيف اتحمل وصبر
عاد انا ماصدقت خبر قعد اسبوعين وانا منتحله شخصية كونان اتجس عليعه عشان اسمعه وهو يتكلم مع اخواني او اعمامي بالتجاره واسجل واروح لامي واجلس الف وادور لين عرت ابوي وش يحب بدون ماتحس
عاد اللحين جا الليوم الموعود رحت سويت القهوه والحلى ورحت لمجلس الرجال وسويت كل اللي قالته لي صديقتي اتصورو وش قالي؟؟؟
قالي:هذي امور مالك دخل فيها تخص الرجال انتي مالك دخل وصارلك ساعه وانتي تحوسين عندي ناقصك شي تبين اجيبه لك اطلبيه بدون لف ودوران
تدرون وقتها وش كان احساسي كاني كنت طااااااايره بالسما وفجأه ماحسيت حالي الاوطحت
مارديت عليه الا بكلمه وحده بس:لا
طلعت لغرفتي وانا ميته من القهر وجلست ابكي لين جاني النوم ونمت
امااااااانه موقهر
ومن هذاك اليوم وهو كل مايشوفني يهاوشني حتى لو مشيت وصقعت براسي بدون قصد غسل شراعي
وتمر احيان اسبوع كامل مايكلمني بس اذا دخل ولقاني قدامه سلم وبس
صار يقولي مع اعمامك لاتجلسين انتي بس ادخلي وسلمي اذا جوا واطلعي على طول ولاتجين الا اذا جوا رايحين وسلمي عليهم وبس طيب ليه اناسويت شي قالي:انتي بس نفذي ومالك دخل
بس لمى سالت امي قالت انه ابوي يقول انه نظرات اعمامي لي ماتريحه وانه ملاحظهم من فتره انا اتفهمت الوضع بس ليه ماقالي هو
قلت خلاص اعمامي بلاش جينا لاخوالي جت اجازة نهاية السنه الدراسيه وبنسافر احنا واهل امي شهر لمى شاف طريقة اخوالي وتعاملهم معي زعل وقال هم كمان طنشيهم زي اعمامك
علما بان اللي زعله في علاقة اخوالي معي هوانهم يحبوني يعني دائما يجيبولي معهم شي كل مايطلعون اما سلسال ولا جلكسي او اي شي عاد هذا اللي زعل ابوي
وبصراحه انا حسيت انه من هذا الموقف انه يكرهني
واخذت على نفسي عهد اني ما اهتم له ابدا
ضلينا على هذا الحال اوامر وتهزيء وطلبات بس انا ماني مرتاحه
ابي اعرف ليه هو يكرهني؟؟؟؟؟؟؟؟؟؟؟؟؟؟؟؟؟
ومالقيت اي جواب ومو بس هم حتى عمي
عاد انا دائما عمي عبد العزيز يجلس معي ويسولف ويسألني واحسه يهتم فيني عاد انا حسيته زي ابوي واحبه اكثر من ابوي كمان لكن هو كان دائما يحب بنت عمي اكثر مني اذا جات سفطني وطنشني على الاخر بس كمان احبه على الاقل يهتم ولمى طلعت جوال صار كل يوم يرسلي ويتصل فيني ويوم كنا عندهم قالتلي زوجته: عمك عبد العزيز يحبك اكثر وحده من بنات اخوانه واخواته وانه دايم يمدحك
بصراحه صرت زي الهبلى كان احد صاب علي كاس مويه بااارد ولاشعوريا قلتلها: لا عمي يحب روان اكثر مني بكثير
قالت:هو صح يحبها بس انتي اكثر
انا كنت افكر كيف معقوله انه عمي يحبني اكتر روان
وخلاني اتشجع اني اقول شي بعمري ماقلته لاحد لان الموقف الي صارلي مع ابوي خلاني ماابين مشاعري لاحد وياليتني ماقلت
في الزياره الثانيه لهم قلت لزوجته:انا احب عمي عبد العزيز لاني احسه يحبني اكثر من ابوي
والله العظيم انه من بعدها عمي اتغير علي ليه ما ادري رسايل ماعاد يرسل واذا ارسلت مايرد على رسايلي والاتصالات نفس الشي لايصتل علي ولايرد اذا انا اتصلت
بصراحه ما ادري ليه ودائما يتهرب مني ولايجلس معي ابدا وصار زي ابوي اللي بيني وبينه سلام
بس ابي اعرف ليه كل مااعترف لاحد عن مشاعري يبعد عني ليه؟؟؟

عاد تدرون انه ابوي يجلس ويسولف مع امي واخواني ويضحك عاااااااادي بس اذا جيت انا قلب على الوجه الثاني
يمزح مع اخواني ويسولف عااادي تقول انه اخوهم موابوهم وانا ولا كلمه
هم لهم الحب والدلع والتفاهم وانا لي الكره والتطنيش والتهزيء
اصلا انا دائما لمى يهاوشني يقولي وش ناقصك في شي عند البنات مهو عندك؟
ابي اقوله انا ناقصني انت ابي اب مابي بنك
بس اخاف انه يزعل علي
اسفه والله ادري اني طولت عليكم بالهذره وان عيونكم شوي وبتنحول وجاكم صداع مزمن منزود الثرثره بس والله من زود مافيني ليه يكرهني ليه ابي افهم
وعلى العموم اتمنى المشاركه من الكل خصوصا الاباء وحاطه الايميل بالتوقيع وابيكم تردون ضروري على الموضوع او الايميل كله واحد
]

**مهاوي** · 12-27-2007, 02:45 AM

ياهلا وغلا ببنت الرجاااااااااااااااااال
وأنتي بصحه وسلامه ياقلبو
عاد أنا بنوته وكان ودي أرد عاالموضوع؟؟؟

شوفي ياقلبي
مشكلتك ماهي كبيره لهاالدرجه وبعدين لاتقولين أن ابوك مايحبك مستحييييييل ولاتفكرين بهاالشئ لانك ان فكرتي كذا راح تفسرين كل تصرفاته غلط يعني على أساس أنه يكرهك....
فهمتيني؟؟؟

صحيح أنه تغير ويمكن له أسبابه الخاصه يمكن مثلا مايعرف يتعامل معك بعد ماكبرتي لانك اول بنت على قولتك وكل أخوانك شباب..
يمكن يخاف يتصرف معاك تصرف يحسب أنه اذا تصرف كذا بيخربك او اي شئ....
أنتي حاولي تاخذينه وهو رايق وحاولي ماتفكرين بهاالافكار (انه يكرهك ومايحبك) وحتى لو ماعطاك جهه انتي قوليله >>> يبه انا بنتك ولازم تسمعني صحيح انك ماقصرت علي بشئ والله يخليك لي ذخر بس مهما يكون انا بقلبي شئ لك وودي أقوله وحاول انك تسمعني للنهايه وانتي عاد اشكيله اللي بقلبك قوليله انك تغيرت علي ممكن اعرف ليش واذا قالك انا ماقصرت عليك بشئ وش تبين اكثر قولي ابيك انت ابي ابوي اللي من زمان بس كنت العب وياه واسولف معاه وابيك ترجع نفس الاول واذا ماتبي علمني طيب وش السبب اللي خلاك تتغير علي............
>>>> يعني من هاالكلام
والله ياقلبي انا ودي اساعدك أكثر بس اهم شئ لاتحطين ببالك أنه يكرهك مهما يسوي معك هذا ابوك مستحيل انه يكرهك انتي بنته الوحيده
عاد الله يصلح الامور بينكم ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
وأنا باالخدمه خيتوووووووووووووووووووو
متى مابغيتي شئ علميني بس
اوكي...
أخيتك
مهاوي
؟................؟

**sa30di** · 12-27-2007, 12:13 PM

عليكم السلام

هي مي مشكله زي ما تقولين بقدر ماهي غلطة غير مقصودة او غفله غير مقصودة

يعني بكل بساطه لو تصارحينه بالي عندك يمكن يقول لك كلامك صحيح وراح نعدل بالتدريج

يعني بما انك في بيئة ذكورية وضعك يختلف تماما عن اي بنت فيها بنات واولاد

وهذا يمكن اكبر شي يأثر عليه في تعامله معاك

نصيحتي بل شفافية ارسلي له امك اذا ما تقدرين او اخوك

قولي له ابوي ابيك تعاملني مثل الباقيين وبس

ملاحظة اخيره :ممنوع وضع الايملات في التواقيع

**بنت رجااال** · 12-28-2007, 01:55 AM

اقتباس:

المشاركة الأصلية كتبت بواسطة مهاوي

ياهلا وغلا ببنت الرجاااااااااااااااااال
وأنتي بصحه وسلامه ياقلبو
عاد أنا بنوته وكان ودي أرد عاالموضوع؟؟؟

شوفي ياقلبي
مشكلتك ماهي كبيره لهاالدرجه وبعدين لاتقولين أن ابوك مايحبك مستحييييييل ولاتفكرين بهاالشئ لانك ان فكرتي كذا راح تفسرين كل تصرفاته غلط يعني على أساس أنه يكرهك....
فهمتيني؟؟؟

صحيح أنه تغير ويمكن له أسبابه الخاصه يمكن مثلا مايعرف يتعامل معك بعد ماكبرتي لانك اول بنت على قولتك وكل أخوانك شباب..
يمكن يخاف يتصرف معاك تصرف يحسب أنه اذا تصرف كذا بيخربك او اي شئ....
أنتي حاولي تاخذينه وهو رايق وحاولي ماتفكرين بهاالافكار (انه يكرهك ومايحبك) وحتى لو ماعطاك جهه انتي قوليله >>> يبه انا بنتك ولازم تسمعني صحيح انك ماقصرت علي بشئ والله يخليك لي ذخر بس مهما يكون انا بقلبي شئ لك وودي أقوله وحاول انك تسمعني للنهايه وانتي عاد اشكيله اللي بقلبك قوليله انك تغيرت علي ممكن اعرف ليش واذا قالك انا ماقصرت عليك بشئ وش تبين اكثر قولي ابيك انت ابي ابوي اللي من زمان بس كنت العب وياه واسولف معاه وابيك ترجع نفس الاول واذا ماتبي علمني طيب وش السبب اللي خلاك تتغير علي............
>>>> يعني من هاالكلام
والله ياقلبي انا ودي اساعدك أكثر بس اهم شئ لاتحطين ببالك أنه يكرهك مهما يسوي معك هذا ابوك مستحيل انه يكرهك انتي بنته الوحيده
عاد الله يصلح الامور بينكم ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
وأنا باالخدمه خيتوووووووووووووووووووو
متى مابغيتي شئ علميني بس
اوكي...
أخيتك
مهاوي
؟................؟

يااابعد هالدنيا يامهاوي كفايه دعوتك يالغاليه راح اسوي كل اللي قلتيلي عليه وانشالله تتغير الامور
طبعا انا لي الفخر والشرف الكبير انك اول شخص بالمنتدى رد على موضوعي مشكوره ياعسل

**بنت رجااال** · 12-28-2007, 02:06 AM

اقتباس:

المشاركة الأصلية كتبت بواسطة sa30di

عليكم السلام

هي مي مشكله زي ما تقولين بقدر ماهي غلطة غير مقصودة او غفله غير مقصودة

يعني بكل بساطه لو تصارحينه بالي عندك يمكن يقول لك كلامك صحيح وراح نعدل بالتدريج

يعني بما انك في بيئة ذكورية وضعك يختلف تماما عن اي بنت فيها بنات واولاد

وهذا يمكن اكبر شي يأثر عليه في تعامله معاك

نصيحتي بل شفافية ارسلي له امك اذا ما تقدرين او اخوك

قولي له ابوي ابيك تعاملني مثل الباقيين وبس

ملاحظة اخيره :ممنوع وضع الايملات في التواقيع

مشكور على الرد اخويsa30di اتمنى انها تكون غلطه او غفله
وبالنسبه للكلامك اللي قلته اكيد صحيح وبالنسبه لاامي مستحيل تتدخل بالموضوع لاانها اتدخلت كثير وماتغير شي في الموضوع كلشي بقى زي ماهو الا انها حتى هي بعدت عني عشان ماافاتحها بهالموضوع مره ثانيه وكل مره اكلمها فيها تقول هذا حاجز انتي بنيتيه اتحملي اللي يجيك
على العموم اللحين ابوي مسافر ومعه واحد من اخواني باحاول ادخله بالموضوع يمكن يتغير شي
تسلم اناملك على هذي النصيحه الغاااليه

**بنت رجااال** · 12-28-2007, 02:11 AM

وين الناس 19مشاهده والردود2ابي حل او وجهة نظر
يعني من اصل19ماطلع فيهم اب الاsa30di وصاحب خبره غير مهاوي
والباقين قروا وبس على العموم مشكورين sa30di ومهاوي ماقصرتو والله يجزاكم خير راح اسوي اللي قلتوا عليه

التميز خلال 24 ساعة
العضو المميز	الموضوع المميز	المشرف المميز
أميرهم	إطلاق النار على بريطاني لارتدائه قميصاً عليه صورة أوباما بقلم : sa30di	لسعة شقاوه