وش هي آخر شقآوه؟؟
ما أعرف إلا برامج المجد للأطفال ترى
دايم أسمعهم يقولونها

إنمــــــــا..

اليوم في مباراه وأنواع الزحمه والقلق والإزعاج

والله يعين الله الله
الله كريم الله الله


طيب اللي يبغى ينتحر وش يسوي؟؟
يقولون يشجع النصر

على طاري النصر
يقولون فازو على ريال مدريد!!
و4-1 كمان مو أي نتيجه
واضحه الطبخه من النتيجه يقول لك
المشكلة الأدهى والأمر إن مافي لاعب نصراوي سجل هدف يقولون
حتى بالغش يا جمااااااعه؟؟؟
إنماا.. خلونا من النصر والإتحاد والهزيمه والتفرقه
أنا كرهت عيشت أمي
مطفر
حولووا لي فلوس أجمعو لي تبرعات ولا أي صرفه والله إني مطفر من جد :(

<< حالته تصعب على الكافر
<< ويحـــــــب كمان

توفييييي

سوري يا بنتي ما شفت الرد إلا توني

وش سالفة الجرجير؟؟

وبعدين سؤال وش هي الخطمه؟؟؟؟؟
هل هي الخطبه؟؟
إذا الخطبه أنا مستعد أجي الآن وأشوفك الشوفه الرسميه
عاد بعدها يا أتزوجك يا على شهار الله العالم


إنمــــــــــــا

ياالله إنك تحييها
والله إني راد عليك في موضوعك رد وش طوله وش عرضه
وما لقيته مدري ويييين إختفى ؟؟؟
حتى أخبر قلت إن كلمتك عجبتني حقت الشوكلاطه
وقلت لو خليتيها شوقلاطه كانت أفضل

ما تلاحظن إن ما عندي غير ذا الرمز؟؟
ماني حافظ غيره يعني أها بس أها

ويا أم أيمـــــــن
هاتي الشيشه :(

^

^

اطلع برا << الكوفي تبعي وانا حره :)


هااااااااااي يالربع << ينقال انها تدلع


صبحكم الله بالخير .. ماشاء الله تبارك الله


اشوف الكوفي صار عامر بالسكان << عامر بن من ؟؟


خلاص جكجووووكـ اللي طلعناه من الكوفي

نتبرع فيه لك << بس ترجعها :)


يالله انك تحييا كل من جانا .. وخلونا نشوف الكوفي مثل قبل

واحسن ..



لي باكووو ع روقان << طوسي انتي وروقانك :)

بسم الله الرحمن الرحيم

عمتم صباحاً ياقوم ..



<<< جانا ابو لهب ..


وكيف علومكم واحوالكم ..

يارب تكونوا بالف خير ..



رأيت فيما يرى الراقد ..

اني ذهبت الى المدرسه الابتدائية

التي كنت ادرس بها ..

واذ بالمدير الموقر ((يخمطني))

من ياقة ثوبي الصيني ((اللي بعشرين ريال))

ويقول :

ماذا تفعل هنا يادايم ؟؟

ناظرت بخوف لمن اصابني بالذعر

واذا به المدير فقلت له :

بروح للمستوصف يا استاذ ..

قال لي :

اي مستوصف ياولد ..

قلت له :

المستوصف اللي بالمدرسه ..

قال لي :

وهو حنا عندنا مستوصف بالمدرسه ؟؟

قلت له :

نعم يا استاذ عندنا ..

قال لي وهو يحملق بي بغضب ونفاذ صبر :

لابارك الله فيك .. تعال وريني المستوصف ..

فاخذني من تلابيبي

ملاحظه : تلابيبي مالها صلاح في مدينة تل ابيب ..

المهم مشيت وانا محني الظهر من كثر

ما جرجرني هالمدير لاشفاه من داء السعال الديكي ..

وصلنا المستوصف وقلت له :

هذا المستوصف حق المدرسه ..

ناظرني وقال :

خخخخخخخخخ اسف ماقال شي ..

ناظرني وقالت يده اليمنى مع اليسرى

ماقالت في وجهي وظهري وبطني ..

والف قصائد من شتم وهجاء فيني

وفي اهل اللي جابو اهلي ..

وقال لي :

لا تجي الا ومعاك ولي امرك ..

وربي بعد اللي سويته فيني يالمدير

ماعاد بيعرفني ولي امري يالثور ..

المهم رحت الفصل والمدرس مارضى يدخلني الفصل ..

هي ناقصتك انت بعد يامدرس الغم والهم ..

قلت له :

بتدخلني ولا اروح اشتكي للمدير ؟

قال :

وش سوا فيك كل هالاصابات ؟

قلت له :

المدير صفقني قبل شوي ..

قال :

اجل رح اشتكني للمدير ..

استغلني المدرس الكلب

المهم بعلمكم بشي قبل اروح ..


المستوصف ما طلع مستوصف ..

اثر اسمه المقصف المدرسي ..

بس لاني قروي وتوني ماعرف الا بقاله

ولا دكان ولا خاز باز ..

<<< وش الخاز باز هذا




اراكم على خير حبايبي ..

برجع بعد ما اروح اتروش = استحمى = اتسبح = اتحمم


وبعد الصلاة او بكرا برجع ..


اقولكم رايح الشاليهات اليوم وبقولكم وش حصل معي ..

قبل ما أصبّح وقبل ما أمسّي ... أبغى أصككم بيمين ...

يميـــــــــنا بالله انكــــــــــــم فلــــــــــــة ...


ثمّن أقول ... صبّحكم الله بالخيرااااااااااات الدائمة ...

وش الحركات؟؟ وش الحماس؟؟ وش هالتنوّع الكلّي والفردي ؟؟؟ ( يؤيؤيؤ بدت الفلسفة ) وش هالعنفوان وذكريات الصبا ؟؟؟ وش الوحوش والمخلوقات البرية والبحرية ؟؟


لأ لأ لأ .. بصراحة انتم ناس ولا أروع ... أكثر من كذا وناسة أجزم لا يوجد قط ولا هر ولا عرّي .... ( تراني حطيت شدّة على الراء وقبلها ضمة على العين )


المهم ..ولا يكثر يا سعودية ..

ان لكم وحشة عاااااااااااااارمة ...


سعودي يا عمدة ... عمدة يا سعودي .. كيف الهال ؟؟ وش الصورة ؟؟؟ أول ما شفتها قلت وانا بحالة اللا شعور من هول ما أرى .. قلت كلمة أو الجكاكيك .. مستر جوك .. ( الدب الداشر فيما مضى ) ألا وهي :

يا ليييييييييييييييييييييييييييييييييييييييييييييييييييييييييييييحي

مع اني ما قد قلتها ... بس من جد يا ليييييييييييييييييييييحي

بس ولا يهمك .. دايما متميز يا عمدتنا ..


مستر جوك .. انت الشي الوحيد اللي ما يتغير ... تذكرني ببيوت الحجر التراثية والتاريخية اللي تتميز بها المنطقة الجنوبية ... كل صيف أجي ألاقيها زي ماهي ...
يعني مقاهي وديون وطفرة وتلفون ينفصل وتلفون يرجع حتى قناة المجدللأطفال لسى عندكم .. إلا على فكرة ما خلص اشتراككم ؟؟؟ ولا جددتوه ؟؟ وهل إلى الآن تجيد تنويم الأطفال ؟؟؟


عاشقة المستحيل .... زماااااااااان والله يا عش عش ( دلع عاشقة ) يلعن أم اللغة ... لك وحشة يا وحشة .. أتمنى تكونين في أحسن حال ... وبالتوفيق ... ودام انك تعشقين المستحيل فما عليك خوف ...في غيرك يعشق الهياط والمهايط ..




دايم معانا لا زال نابض القلب ونابض الفلّة ويعاني من الخفقان ... أين أنت يا أبا لهب ( استغفر الله ) ...
يعجبني ارتباطك الدائم بذكريات الطفولة وأحلامها ..شكلك كنت تحب الدكاكين والطلعة حافي في الحارة وعصير غوّار الله يسقي أيامه ... أذكر اخواني الأنذال كانو يشترون كيس كامل من غوار وياخذون منه الفراولة والبرتقال والكولا والشي اللي لونه عنابي ويتركون لي الأخضر والأصفر .. وأتجرع المرار وأنا أتجرع هاللونين .... وعلى طاري غوّار نوجه تحية لأبو عبدان لأنه قد اثار الموضوع فيما مضى ... المهم انك دايما ترجعنا لأيام الطفولة الله يرجع الموية في زور اللي في بالي ...
المهم خليك دايم معانا .. إلا على فكرة .. منت رايح مصر هالسنة ؟؟؟ أبغى اروح وأخاف تجيني نزلة معوية في ذاك ؟؟؟



تحياتي للأعضاء اللي شفت أسماءهم وأنا أقرا سواليفك هنا ... والله يزيد ويبارك ...



يلا عاد .. أترككم في أمان الله وحفظه ...
وإذا بتدخلون كل يوم تراني بدخل واذا بجي وما الاقي إلا الغبار فقوليلي عشان ما اجي ... أو ع الأقل أتلثم ( أتلطم ) قبل ما أجي ..



سي يو