كوفي شوب منتدى سعودي فلة حيــــاكم !!!! - الصفحة 17

**دايم معاكم** · 04-06-2007, 07:46 AM

سعوديه صبحك الله بالف خير ..

( فيجيك الواحد طاق الشخص ( مرسم ) وراكب BMW ..

تشوفه تقول هذا ولد نعمة.. ثم يبدا تكفى ..

وداخل على الله ثم عليك .. واحيان يستعين ببعض الابيات الشعرية ..

ويطري عيال القبايل وسلالة الأجاويد ..

ومن هالكلام الي يخليك ترخص له كل شي ..

وبعدها يقولك أمي بالمستشفى و محفظتي

سرقوها وفيها فلوسي و بطاقتي وبطاقة الصراف واوراقي ..

ولا يجيك إلا في يوم يكون البنك فيه مايفتح ..

عشان يحشرك مظبوط .. ويقولك بكرة يفتح البنك او بعده وارد لك فلوسك ..

عاد انت مشاعر النخوة تفرض عليك تساعده لو تبيع ثيابك ..

المهم .. بعدها ماتشوف وجهه ..)

جديده هذي اول مره اسمع بها والله ...

ولو جاني هذا بخلي البي ام دبليو رهن عندي ..

<<< يعجبك دايم ..

وبعدين سعوديه لاتنقهرين ولا شي من الجافا ..

<<< مايدري وش الجافا يسمع بها فقط ..

ولا تهتمين الصبر مفتاح الفرج ..

بتدخلين يعني بتدخلين ..

لان المبدعين امثالك (الدوافير يعني) ..

دوم تنحل معهم بالبركه .. سبع صنايع والبخت ضايع ..

نورتي الكوفي ياسعودية ..

--------------------

سعودي هلابك يالغالي ...

السياسه تجري مني مجرى الدم في العروق ...

لا انكر ذلك ولا ادعيه ..

ولكن كل ما اكتبه مجرد ترهات تمر بي واصوغها حروفاً ..

ولا تعطيني اكبر من حجمي ..

تراني مسيييييييكييييييييييين ...

( التلفزيون هذا عشان يلقط الارسال حق

قناة السعوديه لاولى لازم نعلقه راس جبل

ونمدد الاسلاك طول الجبال الين البيت

اللى فيه التي في )

الله الله ياسعودي وش هالعذاب ياخوي ..

الله لايجعله اشتغل تلفزيون ..

(جيب لك علاقة حقت ملابس ..

وفكها عدل حتى تصير زي المستقيم ومافيها اعوجاج

ثم جيب لك وحده ثانية وسويها على شكل دائرة

خذ العلاقة اللى بالشكل الدائري وخلي طرفها خط مستقيم

داخل الدائرة , بعد ذلك اشبك العلاقة الطويله في الطرف الطويل

اللى بداخل الدائرة واربطهم في بعض

اللحين صارت العلاقتن مشبكه في بعض بقي

تسوي لك دركسون او ما يسمى با الطاره )

اقول سعودي سامحني ..

قريت اول الكلام وراح ظني بعيد ..

والله مدري اش فيني ...

اقول لاعاد تجيب لنا اي هوايه فيها ..

والله ماقدر اقول ..

يعني لاعاد تقول ...

(مستقيم ومدري دائره ..)

لعنة الله عليك ياشوشو ..

<<< والله انك ماتستحي ... تفكيرك سطحي ..

----------------

ابو عبدان حبيبي صبحك الله بالخير ..

هناك عبره لم تذكرها في قصتك ..

وهي انه عليك ان تتغطى كويساً جدا قبل تنام ..

1000 مسد كول ..

اقول ابو عبدان حبيبي - تعا جاي - ..

بديش انا اكولك شو صاير معي البارح ..

لاني مكدر = مقدر = ظروفك ياعمي ..

وبكولك لا تغيب كثير عن هون ..

-------------

بغيت اكتب شي وراح من ذاكرتي الحديدية ..

<<< واضح ..

ولكن اعود اليكم قريبا وانتم بالف خير ..

**sa30di** · 04-07-2007, 04:43 PM

يا ساتر

ويا دافع البلا

والله اعتقد ان الامور اصعب مما هي عليه

توقعت عندك حالة نفسيه مما يسمى بالفله بس طلعت اصعب بكثير

انا اعتقد انك ماسك ركن في غرفه وبالشكل هذا

لول

احسن الله عزاك في نفسك

**سعودية** · 04-08-2007, 07:52 AM

أسعد الله أوقاتكم بكل خير ...

مرحبا سعودي ..
ياخوي هوايتك تعقيد .. وبحكم اني أكبر سودانية .. عساني ما لعبت عمري كله ما دام الشغلة كذا ..
تصدق جبت ورقة وقلم وحاولت أمشي معك خطوة خطوة .. عشان يصير الشكل مرسوم وأقدر أنفذه على أرض الواقع .. بس المشكلة ما عرفت أرسم .. طلع لي شكل غريب .. بصراحة لا يدل أبداااااا على ( لعبــــــة ) ..

مرحبتين أبو عبدان ..
والله يوم طريت الدرج قلبت المواجع .. ياما وياما أكلته .. وفي مختلف المراحل العمرية .. يعني جربت جميع أنواع الدرج.. درج منزلي .. درج جيراني .. درج أقاربي .. درج شارعي .. درج سوقي .. درج مدرسي .. درج طبي ( يعني عيادة ) .. يعني كل مكان يتواجد فيه الدرج بكثرة .. أنا جربته .. و مشاعر السقوط وما بعد السقوط تختلف من درج للثاني .. حسب الموقع وسرعة الاقلاع .. عفوا قصدي الهبوط وحسب عدد الجمهور المتابعين للّقطة

هلا وسهلا .. دايم معانا ..
حلو انك سمعتها مني .. بس تراها حقيقة لا تتوقعها استهبال .. والبي ام دابليو تراه مستأجرها .. لزوم المهنة يعني .. أما بالنسبة للسبع صنايع والبخت الضايع فهي حقيقة لا أجرؤ على انكارها ..

..............................................................................

قسم بالله البارح .. جميع انواع الشد والتوتر ورفع الضغط ..
مباراة الإياب .. الهلال x والأهلي ..
ومع كل الاسف تأهل الأهلي للنهائي مع الإتحاد ..
ليخرج الجمهور الهلالي بخيبة أمل بعد اجواء الحماس ..
المباراة في بدايتها توحي بأن النتيجة لصالح الهلال مع ان فرص التأهل أندر من الماء في صحراء جدباااااااء
لكن المستوى في بداية المباراة أعاد الأمل للهلال لاعبين وجمهور .. خصوصا ان الهدف الأول كان في الدقيقة السابعة ..
ما اطول عليكم .. المهم اني انقهرت .. وعندي أمل انهم يحققون بطولة أبطال آسيا ..

.....................................................................................................

يلا شلتووووووو ..
أراكم لاحقااااااااا
\
\
\
\

**دايم معاكم** · 04-09-2007, 10:35 AM

هلا بكم كلكم واحد واحد ...

المهم ماودي اطول اليوم مستعجل ...

والحمدلله على فوز القلعة الخضراء ...

ولا عزاء للمنقهرين ..

والله يجبر مصابهم ويعوضهم الدوري بخير ..

انا الحين جاي اودعكم لاذهب قريبا منكم ..

واسافر لراحة كنت اتمناها بعد عام ونصف من العمل المتواصل ..

لارحمة فيه ولا كلل ولا ملل ..

وها انا اذهب الى عشقي الطائرة التي تقلني ...

اينما توجهت احب هذا الجرم الكبير الطائر ..

وسيكون الى قاهرة المعز اول خطاوي رحلت

التميز خلال 24 ساعة
العضو المميز	الموضوع المميز	المشرف المميز
احلا سعوديه	الإعجاز العلمي بين الشرع والعلم بقلم : sa30di	3zoom