مســــــــــــــــــــــــــــــــاء الخيـــرات
هذي قصيدة للشاعر المتألق خالد الدوسري
أتمنى انكم تستمتعون بقرائتها ........
للحزن في صدري حوابيـط و عْـذوق
يروى تفاصيلـي .. و يثمـر قوافـي
ملّيت اردّد شعـري بصـوت مخنـوق
و جفن الأماني فـ/ المسافـات غافـي
مرات اقول ان الشعـر سبّـة العـوق
و مرات اقـول انّـه خـوي ٍ سنافـي
مرّ السحاب .. و لاح في صدره بْروق
و انـا سنينـي تشتكـي مـن جفافـي
انا الضعيف اللي من الطيـن مخلـوق
و انا الحزين اللـي جرحْـه التجافـي
لا تطوّل الغيبات يـا حـادي الشـوق
والله مانـي مـن جـفـاك مْتعـافـي
البال .. من برد الهواجيـس محـروق
و سمر الليالي .. مالها حضـن دافـي
و طيفك يساومني على دمعـة المـوق
و الدمعه اصغر من سمـوم الخوافـي
جيتك معي قلبي و عمري فـ/ صندوق
امشي وسِط صُلـف المقاديـر حافـي
مالي على الغالـي مشاريـه و حقـوق
ان كان مـا هـو بالأحاسيـس وافـي
عذرك معك من غبت يا حادي الشـوق
عذرك سمين .. و عْذر شعري جفافي !
تحياتي ,,,
زهرة الأوركيد
الإهداءات
عذرك سمين .. وعذر شعري جفافي ! 
العرض العادي
